منتديات ينبع النخل الرسمية
خدمـات خاصة : :   |  استرجاع كلمة المرور   |   طلب كود تفعيل العضوية   |   تفعيل العضوية   |   للإعلان   |  اتصل بنا
دواووين شبكة ينبع النخل الرسميه


العودة   منتديات ينبع النخل الرسمية > . : ينبع النخل الأدبية : . > منتدى الكسره > إستضافة مع شاعر

موضوع مغلق
 
أدوات الموضوع انواع عرض الموضوع
قديم 09-30-2009, 10:45 PM   رقم المشاركة : 1
مـــــشـــــعل
شـاعـــر منتـديــات ينبــع النــخل وفارس غبوة مهرجان العيد بينبع النخل لعام 1428هـ
 
الصورة الرمزية مـــــشـــــعل





مـــــشـــــعل غير متواجد حالياً


افتراضي من خلال منتديات ينبع النخل الرسمية هذه جميع محاولاتي المتواضعه بين ايديكم ( متجدد )

 

بسم الله وعلى بركة الله



.

********************


بداية


********************


.



انا بنيل العلا احلم=جامح طموحي ولا له حد
بديت من اول السلّم=حتى اتعلى صروح المجد
=مـــــشـــــعل

.

********************


توبه


********************


.



توسلت بالدموع عيون=ضاقت بها فالوسيعه دروب
اصفح لها يا إله الكون=عن ما مضى من خطأ وذنوب
=مـــــشـــــعل

.

********************


نصيحة


********************


.



انصحك للوالدين ابذل=قصار جهدك ولا تمنَه
واخفض لهم من جناح الذل=تكسب رضا الله والجنه
=مـــــشـــــعل

.

********************


مشاركات خارج العدد


********************


.


=المشاركه الاولى
الحر ما تهمه الزلات=الناقصه ما يجاريها
حتى لو انه ورد هفوات=من ناس تخفي اساميها
=المشاركه الثانيه
تنصبوا للماّّسي ناس=تدخلوا في شؤون الغير
ما الله عطاهم فكر واحساس=ولا الله هداهم لفعل الخير
=المشاركه الثالثه
لا وين في مهاترات نعيش=ناهيك لا جات من عقال
ما تمر غلطه بلا تفتيش=والحق ما يزعل الرجَال
=المشاركه الرابعه
كلاً ومسؤول عن مده=ما نقبل العذر والتبرير
والمخطي لا بد ما نرده= لا جاوز الحد فالتعبير
=المشاركه الخامسه
سنين وانا اتقي شرك=يا اللي تماديت بأفعالك
ما تخاف رب الملا يضرك؟=ويرميك في شر اعمالك
=المشاركه السادسه
متى عن المايله تقلع؟=يا اللي إتخذت التصنع فن
تقتل قتيلك وثم تتبع=جنازته لين ما تدفن
=المشاركه السابعه
لا هب فوح الشمال وصار=عارم .. وعرض له الازيب
يهل وابل من الامطار=وكل ديره قفر تشرب
=المشاركة الثامنه
السوق ما تُعرف أيامه=خاضع لقوّ الطلب والعرض
الدون يبطي محد سامه=والزين يفرض مكانه فرض
=المشاركه التاسعه
تجمدت فالبنوك اموال=منعت من الصرف ماصرفت
ويش غير المعتمد والحال=مضى لها وقت ما كشفت
=المشاركه العاشره
يا هاجس الفكر يكفيني=شهور وانا اصالي وقد
في مجتمع ليه ترميني؟= كله دسايس وكله حقد
=المشاركه الحاديه عشر
يا منتدى طيـب العشـره=عليك ثوب الوفا يضفـي
من بعد وصل العدد عشره=وداعتي عندكـم حرفـي
=المشاركه الثانيه عشر
من هو عرف لي خلي بيبيع؟=روقة فكر مل راعيها
من قبل سَوم المزاد يضيع=قولوا له يحد باشريها
=المشاركه الثالثه عشر
ما صاب غزر الرواه شحوح=فيضه نهر وانكساره سيل
ردوه لا يفتري في روح=تعيشه اسى وتنصهر له ويل
=المشاركه الرابعه عشر
اصبحت في هالزمن ضايع=لا نلت هذي ولا ذيه
لا وين ونت لهم طايع=مسلوب إراده وشخصيه
=المشاركه الخامسه عشر
راع الخـطـأ يـلـزم حـــدوده=ما تهز روس الجبال رياح
بعـض الأقاويـل مــردوده=لأصحابهـا والقلـوب صحـاح
=المشاركه السادسه عشر
إسمع نغم ما حملته لك=قرار واللي تبي سويه
لوكان فيّه عضو مثلك=لاستاصله من الجسم وارميه
=المشاركه السابعه عشر
دخلت ويالزمن في عتاب=بايام راحت على الـفاضي
لما اتذكر كثير اصحاب=طوت بهم صفحة الماضي
=المشاركه الثامنه عشر
اعرف جليسك وسط مجلسك =وعلى طريق الفضيله سير
خليك مع حاملين المسك=لا تمشي مع نافخين الكير
=المشاركه التاصعه عشر
مع التكدس وكثر العـرض= لوعف راع الطلب معـذور
طيب الجلب ما لقي له ارض =كل المـدر والمواقـع بـور
=المشاركه العشرون
دايم مع الناس تحرجني=تصد عني وتتجاهل
طيب انا ويش محوجني؟=عليك .. وانت ما تستاهل
=المشاركه الحاديه والعشرون
قتلت ذاك الغـلا فلحظـه=ضامر للاحـداث ومبيـت
ومن كثر ما فيك من غلظه=ترقص على جثة الميـت
=المشاركه الثانيه والعشرون
حلمي هو الكنز . . وسنيني=افنيتها بين قرب وبعد
لا ياغضب ما تعديني=بلغت اقصى حدود الرشد
=المشاركه الثالثه والعشرون
يكفي مشاحن ويكفي حروب=اللي مضى من نزاع يسد
ما حان وقت الصفا يا قلوب=لا وين هذا الضغن والحقد
المشارطه الرابعه والعشرون
ليه المروات نحرقها=نبخل على بعضنا ونغيب
قلوب سبحان خالقها=متفارقه بين خبث وطيب
=انتهى

.

********************


غراميات


********************


.


=المشاركة الاولى
وش محوجك للجفا تجفى؟=ونفسك على البعد تغصبها
ملامح الشوق ماتخفى=تظهر على وجه صاحبها
=المشاركة الثانية
انا والأشواق نستفسر=عن ودنا المستخبي دهور
إلى متى وانت له تأسر=حاكم عليه ما يشوف النور
=المشاركة الثالثة
لو ماعسفت الفكر وجمـوح=قلبي وحبل الرسن موثـوق
الله وكيلـك بغـيـت اروح=في ملاوعات الهوى والشوق
=المشاركة الرابعه
ما دمت انته نقضت العهد=وضحيت في ود من ودك
واخترت عنوه طريق البعد=روّح عسى الله لايردك
=المشاركة الخامسه
حراااام اطلق عنان البـوح=خله يعبـر عـن شعـوره
لا تكون عرضه لسعادة روح=في ودك سنين مـأ سـوره
=المشاركة السادسه
لاتضيع في دائرة يأسـك=مابه ترى شي نحزن لـه
مات الهوى والبقاء براسك=الله يبيـحـه ويغفـرلـه
=المشاركة السابعه
تخفي شعورك وتحرمني=من رقة القول والاحساس
ياخي تنـازل وجاملنـي=اقلها في حضور النـاس
=المشاركة الثامنه
قم لفني في حنايا العطف=وخذني لاخر مدى بالكون
ارحم عنا الخافق المرهف=اللي اندفع للهوى بجنون
=المشاركة التاسعه
نبغى بحضـرة محبينـك=نظهر مبادي الوصل والود
رغم الذي بينـي وبينـك=من التجافي وكثر الصـد
=المشاركة العاشره
ساكت ولاادري وش احسن لي=تايه مابين الرجـاء واليـاس
يا اكـون فـي دنيتـك كلـي=يا انسحب والموده احسـاس
=المشاركة الحاديه عشر
لو شفتني كيف من دونك?=اصارع البعـد والحيـره
تعال وتشـوف بعيونـك=سواة هجـرك وتاثيـره
=المشاركة الثالثه عشر
اسـمـع نصيـحـة مـحـب مـــود=عانا من الشوق قدامك
الــود مـالــه مـقــاس وحـــد=حـاسـب عـلـى بـاقــي ايـامــك
=المشاركه الرابعه عشر
قلبي وطرفي غدو بعراك=مابينهم نـار مشتبـه
والمشكله بين هذا وذاك=تأزمت واصبحت صعبه
=المشاركة الخامسه عشر
فاجأتني بالقرار الصعب=في وقت لك فيه انا محتاج
خليتني في مفارق درب=سببت لي يالغرام احراج
=المشاركة السادسه عشر
لاعاد ربى سنين الحب=خسرت فيها وشان الحال
يا الود ما لي معك مكسب=اقلها رد راس المال
=المشاركة السابعه عشر
أبغاك وقت القسى والكرب=لما الزمن تردي أوضاعه
لأن هذا المحك الصعب=ولا الرخاء . فيه فزاعه
=المشاركة الثامنه عشر
اسمع صدى نبرة المنضام=اللي لكم باح مكنونه
انا ثنتني امور عظام=والعشق عودت من دونه
=المشاركة التاسعه عشر
يا قلب لا تندفع روق=يكفي من العشق وش نابك
على سياج العزم طوق=المقدره . ونوخ إركابك
=المشاركه العشرون
قتلت قلب العنا بغيضه=وعهدى نقضته بليا حق
واحييت ذكرى بني قريضه=في يوم الاحزاب والخندق
=المشاركة الحاديه والعشرون
من كثر ما الناس يطرونك=ويحكون عن طرفك الذباح
حصنت نفسي عن عيونك=لكن زل الحريص وطاح
=المشاركة الثانيه والعشرون
سقت الوفا في دروبك سوق=وانـت تنكّـر لميـلافـك
عجز لاياصل مداك الشوق=إلى متى الظلم وإجحافـك؟
=المشاركه الثالثه والعشرون
يا الله نتسامح كذا باسلوب=هادي ولا يميل للتأثير
ونجعل جليد الخصام يذوب=من قبل يظهر هلال الخير
=المشاركه الرابعه والعشرون
هذي رسالة ثقه تطمنك=ونص الرساله لهم عمه
اللي يحاول ياخذني منك=لساع ما جابته امه
=المشاركة الخامسه والعشرورن
يا ملتفت بالعيون يسد=ارحم . صويبك غدت روحه
بعد النظر فالفضاء له حد=وانتَ مسافتك مفتوحه
=المشاركة السادسه والعشرون
قلبي احترق من لهيب النار=اصبح حطب مشعله هجرك
فاض الصبر يالغرام اختار=المنتظر مل .. وش عذرك
=المشاركة السابعه والعشرون
اللي جبرني على سكوتي=هذا الجفا والفضاء المفتوح
ازهم ويرجع صدى صوتي=ما كن حولي حياة وروح
=المشاركة الثامنه والعشرورن
لاوين هذا الجفا ما يروف=اللي اختلق للغرام فراق
ما الله عطا له نظر ويشوف=مواري الشوق فالمشتاق
=المشاركة التاسعه والعشرون
ناظر معي في عنا منظام=طاله من الويل ما طاله
فيه افترت سطوة الايام=حتى اتلفت واصلفت حاله
=المشاركه الثلاثون
حرام ذيك الشهور الخمس=نعيشها يا الغرام فراق
تعال نطوي خصام الامس=ونذوبه في دفا الاشواق
=المشاركه الحاديه والثلاثون
يا قلب غير من طبوعك=اتعبتني يا سديد البـاب
لاوين وانا تحت طوعك=الصبر وصّل مداه وطاب
=المشاركه الثانيه والثلاثون
لا نخلي العاطفه تسلب=منا الإراده وتحكمنـا
لا بد بافكارنا نقـرب=وايضاً نحّكم مشاعرنا
=المشاركه الثالثه والثلاثون
غلطتـك اقـدر اداريهـا=اغض عنها النظر والحس
بكيـف كيفـي اعديهـا=إلا الكرامة وذل النفـس
=المشاركه الرابعه والثلاثون
انته من الهجر وش نابك=يا مرتجي من الوصال فراق
ما ترحم اللي من غيابك=فيه افترت سطوت الاشواق
=المشاركه الخامسه والثلاثون
عدة دقائق ونور الشمس=يوصل إلى الارض رغم البعد
انظر فهذا المدار وحس=واجعل لعثرة لقانا حد
=المشاركه السادسه والثلاثون
اصبحت يا الود متأرجح=ما بين هاذي وهذيك وذي
لا وين وانا ارتجي والح ؟=قتلت كل المشاعر في
=المشاركه السابعه والثلاثون
من خوف يدعي المنام الطرف=والفكره اتطير من راسي
قبلت ثغر الخيال بلطف=متوسد الشوق وحساسي
=المشاركه الثامنه والثلاثون
يا من عشقت السفر وياك=اسمع صدى بوح مجنونك
اللي رمته الظروف هناك=وما طاب له شيء من دونك
=المشاركه التاسعه والثلاثون
قررت اباانسى وداد الامس=مجبور . واخذ عنه مدراق
لقيت صعب الغرام يدس=واصعب مِنُه كبحة الاشواق
=المشاركه الاربعون
ذابت شموع المسا من امس=عنوة طفت واسدلت ليلـك
خلاص لا ترتجي في شمس=غابت . وطلعت على غيرك
=المشاركه الواحد والاربعون
لا تطب بحر الهوى مجرّب=لداعي التسليه مزاح
يستدرجك لين ما تقرّب=وبعدين . . يرسخ ولا ينزاح
=المشاركه الثانيه والاربعون
أنصحك قيس المعاني قيس = وحلل الامر تحليلا
الود قبلك تهئ لقيس = خلاه مجنون في ليلى
=المشاركه الثالثه والاربعون
انا على معاندك ما اقدر=امر ترى العلم من يمك
لوقلت لون السماء اخضر=اقول اخضر ولايهمك
=المشاركه الرابعه والاربعون
تـخـيـل الـقـلـب لـــو بــاعــك=واصبح بأسر الهدب مفتـون
مع شخص يأخذ من اطباعك=رغم اختلاف الشبـه واللـون
=المشاركه الخامسه والاربعون
أبوك ياالقلب وش صابك=بعد انسحابك بديت تحن
من بعد فرقاك وغيابك=من رجعك للماسي من
=المشاركه السادسه والابعون
عطني كلام العقل والصدق=يالى مسيطر على الوجدان
أيـة عـدالـه وأيــة حــق=تملـك قلـبـي بــلا إستـئـذان
=المشاركه السابعه والاربعون
شوف السهر كيف وجفونك=تشكي لانك مسهرها
ما عندي اغلى من عيونك=كثر السهر لا يدمرها
=المشاركه الثامنه واربعون
هيا بلاشي جفا وعناد=نطفي شرارات وقاده
إلى متى والقلوب ابعاد=والكل ثابت على عناده
=المشاركه التاسعه والاربعون
احرق كياني لهيب النار=عايش بهجرك انا لاوين
اعرض لك العرض وانت اختار=خيرك ربي ما بين امرين
اما تندم على اللي صار=وتترك طريق الهجر وتلين
ولا تعذر ولي معذار=ننهي خلاله مصير اثنين
=المشاركه الخمسون
افصح عن الشوق لا تسكت=لا وين محكم قيود النطق
اعبر حدود الخجل . . متكت=حرااام ضاق الصدر والخلق
=المشاركه الواحد والخمسون
اكبح تطاول جموح القلب=ما فالهوى والموده ربح
طويل ليل المحب الصب=ظلام دامس ولا له صبح
=المشاركه الثانيه والخمسون
لا وين يا ذا الجفا ما تروف=عانت بك قلوب وتكوت
ليتك هنا يا الغرام تشوف=وشلون الاشواق بي سوت
=المشاركه الثاثله والخمسون
تعال منهو عطاك الحق=يا لصمت . . فمصادر الاشواق
وعطيت حد الخجل والنطق=حيز لجل يحرق العشاق
=المشاركه الرابعه والخمسون
خلف العوايد تخفى ود=بأسم القيم مفتري فقلوب
ورغم الجفا والعنا والبعد=في بعضها تحترق وتذوب
=المشاركه الخامسه والخمسون
لاجلك تعليت في شأنك=وتعرف مدى قو تأثيرك
تهدد . . بصدك وهجرانك=ما كن ربي خلق غيرك
=المشاركه السادسه والخمسون
احرق فؤادي لضى صيفك=فصول السنه فشرعكم سته
اجرح يا عمي على كيفـك=ما جات إلا عليـك انتـه
=المشاركه السابعه والخمسون
لا وين نكبح جموح الشوق=ونخفي توهـج مشاعرنـا
حرام يبقى الهوى مدروق=تحـت مضلـة سوايرنـا
=المشاركه الثامنه والخمسون
ما هو كذا من فراغ تغيب=تـروح وتقـول عدولـي
لا بد نجعل لنـا ترتيـب=حتى اقنع النفس وفضولي
=المشاركه التاسعه والخمسون
يا حب رفقاً بقلب محب=ارحم عنا الشوق واهاته
ذكراك عيت ثواني تغب=وهذا الذي زاد مأساتـه
=المشاركه الستون
بين التـردد وبيـن البـوح=وبين المخافه من التأويـل
خلّص نطاق اللقاء المسموح=وضاعت ملامح غرام مهيل
=المشاركه الواحده والستون
صبح البشر شمس تُظهر نور=معاش للعالمين وربح
وانت يا ذاك الغرام شعور=يغنيني عن شمسهم والصبح
=المشاركه الثانيه والستون
حرام لا تفتري في روح=وتطشها بين شك وبين
خذها معك لا بغيت تروح=تكبها يا الغرام لمين
=انتهى

.

********************


انغام حزينه


********************


.


=المشاركه الاولى
احرق بقايا امل .. عازف=على مقام الصبا دوزن
لحّن اسى جرحي النازف=وغناه في صوته المحزن
=المشاركه الثانيه
توسعي يا الجروح اش عاد=باقي وما طالته سطوتك
ما عاد فيَه عزم لجهاد=حطم شديد الجسم قوتك
=المشاركه الثالثه
لا تحسب ان العليـل اللـي=اجهز عليه الزمان ... إنهار
بالعكس يضحـك ومتسلـي=وعنده ثقه عاليه وإصـرار
=المشاركه الرابعه
لا وين ماشي طريق اعتم=ماله مدى او حدود تقاس
لا يازمان الغـدر إرحـم=لا تردني في حطام الياس
=المشاركه الخامسه
لا وين وانت اّسير العجز؟=يا من تضجر من قعودك
ويش يمنع إنك تعيش بعز=وتثبت لكل الملا وجـودك
=المشاركه السادسه
المرء لا بد مـا يعتـاد=على قسا الوقت وزهوده
واليأس لا يجعله ميراد=ورحمـة الله موجـوده
=المشاركه السابعه
ميّل جدار الرجاء واهتز=وتاه الامل في بحور الياس
فاللي حسبته عضيد وركز=يا قف معي في عظيم الباس
=المشاركه الثامنه
خيلت لي خير متّّّّتابع=وقلت ما راح حصلته
لاكن في مسرح الواقع=عكس الذي خلت واملته
=المشاركه التاسعه
اللي كثير الألم سمّه=جاوز مدى حد تصويره
لا وين في معمعة همّه=ما للمآسي احد غيره
=المشاركه العاشره
غضي النظر يا عيون الكون=طاحت قيود الحذر والخوف
لا وين نحسب حساب عيون=تضرب بسوط السطو ما تروف
=المشاركه الحاديه عشر
مفارق النوم وعيوني=وضيق الصدر واتساع الياس
تكاتفوا لين خلوني=ابعد عن المجتمع والناس
=المشاركه الثانيه عشر
لازلت فمصارعه وجدال=بين الـفرح واكتئاب النفس
مدرى متى تصلح الاحوال=حــــتى بطعم الحياه احس
=المشاركه الثالثه عشر
إجرح على قد ما تقدر=هات الذي في ضميرك هات
عندي مناعة ولا اتأثر=عودت قلبي على الصدمات
=المشاركه الرابعه عشر
دار الزمن با لمعنا دار=ظروف صعبه تهيت له
مسكين تلعب به الاقدار=متعمده ناويه قتله
=المشاركه الخامسه عشر
ما يرُد سهم المنايا شي=من مات صعب النداء يحييه
كفنت ليل الفرح بيدي=وفتحت باب التعازي فيه
=المشاركه السادسه عشر
تكفين . . يا دمعة المنظام=لا تحرجيني امام الناس
حتى ولو شانت الايام=وزاد العنا واعتراك الياس
=المشاركه السابعه عشر
ليل الاسى ما طلعت له شمس=لا زال عتمة ظلام وليل
يومك يا قلب العناء زي امس=في دنيتك ما حصل تبديل
=المشاركه الثامنه عشر
صبري نفذ واحتمالي قـل=واحرق لهيب المودة روح
وعيدي بدونك يا ابو فيصل=مجرد خلايق تجي وتروح
=المشاركه التاسعه عشر
ضاق الفضاء في عيون انسان=لا شاف ومضة فرح ماتلّـث
اصبح لصفع القـدر عنـوان=كِـنّ الماّسـي ورثهـا ورث
=المشاركه العشرون
لو شفتني كيف باسبابـك=اكبح جموح الوله والشوق
وادلـه النفـس فغيـابـك=مخفي لضى قلبي المحروق
=المشاركه الواحد والعشرون
ناجيت ذاك المكان بصمـت=من دون يشعربي اخوانـك
وحبست دمعي ولاعلمـت=كابح لظى الشوق من شانك
=المشاركه الثانيه والعشرون
لو بحت ربع الحزن والهم=اللي فوسط الصدر مكنون
لاخلف مجرات واساهم=فضيق الفضاء وإزدحام الكون
=وانتهى

.

********************


مشاركات وطنيه


********************


.


=الاولى
مليكنا الشرع دستوره=بالعلم والمعرفه يمتاز
يحكم على اقوال مقروره=دايم مع الحق ما ينحاز
=الثانيه
في موطني تِرعرع الهادي=نبينا المصطفـى المقـدام
للحـق بالدعـوة يـنـادي=محطم لواء الشرك والاصنام
=الثالثه
تشدقت في اساك صغار=بعد النظر عندهم محدود
كبير يا موطن الاحرار=وكلام راع الردى مردود
=الرابعه
لا بد نوقف سوا من جد=ونجهز على زمرة الطاغين
حتى ولو كان نستشهد=ما همنا . .دون ف لسطين
=الخامسه
كل شيْ اناقشك في رسمَه=وافك باب الجدل حولَه
وثلاث ما تقبل القسمه=الدين والعرض والدوله
=السادسه
مليكنـا للـوفـاء منـبـع=تخضع له قلـوب وتطيعـه
ومن أرض الاجداد من ينبع=نجدد لـه العهـد والبيعـه
=السابعه
كبير يـاذ الوطـن والله=ما تهزك ضعوف تغتابـك
فأرضك ترعرع رسول الله=وايضاً دفن في ثرى ترابك
=الثامنه
حسني تنحى عن السلطـه=ماهو بكيفه قـرار الشعـب
والشرق الأوسط غدا فورطه=وضعه تردى وحاله صعـب
=التاسعه
الكـل عبـر عـن غيابـك=فالنثر وفي مفردات القيـل
ويدعي عسى يخفف مصابك=ويزول عنك الكدر والويـل
=العاشره
فيوم الوطن نكسب الجوله=يوم الدول بين فر وكر
تمازج الشعب والدوله=وتوحدوا في علم اخضر
=الحاديه عشر
سبعة عشر من شهر خمسه=من عام 2000 و 12
ذكرى ملك ارتقت شمسه=مثله على المملكه مامر

.

رساله إلى خادم الحرمين الشريفين

حفظه الله ورعاه


.


سلام يا خادم البيتين=يا صاحب المستوى الارفع
لي ما يقارب سنه وشهرين=اكتب بالاوراق واقطع
حتى اجيز الكلام الزين=واكون راضي عنه واقنع
لقيت مهما كتبت سنين=وسنين وسنين . . ما ابدع
امام هيبة مقام يلين=عسر القوافي له وتخضع
واصبحت في مفترق دربين=اياتهم يا صلك اسرع
الناس با لحيل مستنين=متى شعاع الفجر يطلع
حدد زياره لهم يومين=ولا ثلاثه وتستطلع
احوالهم . . والقرى راجين=هذي الزياره تكون اوسع
وتشمل هجر جد . . محتاجين=لمن لهم يا ملك يسمع
المشتكى ما يبي تبيين=واضح ومثل البدر يسطع
باقي ياصقر العروبه الحين=تحدد لنا زياره لينبع
=خادمكم

.

رساله إلى ولي العهد

حفظه الله ورعاه

.

يأمير جينا لـكم مـن بــعد= مـع جمع وافر بــدون عدود
مـجددين الــعهد والـوعـد=حراس لأرض الـوطن وجنود
دائم في وقت الوغى نـعتد=فأرض المعــارك نصير فـهود
الكل لبس الــحـزام وشـــد=سلاح فــوق الـمتن مشـدود
ونوعدك نبذل قصار الجهد= وعـن الـوطن نفتدى ونذود
يــأمير لأنـك بـغيت تعـــد=حتى الـذي بالـمهد مولود
لـكم يــكن الوفــاء والـــود=كـــــلام ثابت عـليه شـهود
دائم بـعين الأبوة تــــــلـد= تـشوف حـال الذي مــلهود
اللـي زمـانه ضــناه وهـــد=باب الرجاء عندهم مسدود
عزاه دمــعه نــثرهـا بــخد= في يــوم بــين الملأ مشهــود
يـجيك تمسح دمـوعه بــيد= تــرجـع أمـله الذي مـفـقود
واللي زبن عـندكم ما يـرد= يرجع وهـو بالـكرم مـمدود
مثـل البـحر لا بغيت تــمد=عطـاك مـالـه مـدى وحـدود
يأمــير بحـت الـذي بالـسد=عسـاه يـــوضح لك المقـصـود
=خادمكم

.

********************


مداخلات وطنية


********************



مداخله مع الشاعر االمهندس أنس الدريني


.


=الشاعر المهندس أنس الدريني
أصدق من الود فالمضمون =وأعذب من الشوق وشعوره
حب الوطن فالحشا مصيون=من دمنا تشرب جذوره
=مـــــشـــــعل
أهل الحسد والفتن يخسون=ما يخلفوا للوطن صوره
ترسخت وثبتت بعيون=شعبه . . ولا تزال محفوره

.

********************


مناسبات عامه


********************


.

بمناسبة قدوم سيدي الامير سلطان إلى ارض الوطن سالماً


.


=( من اجلك سيدي )
لله رب السماء نضرع=اللي له الأمر والتدبير
بأتم صحة لنا ترجع=وتعود لارض الوطن يا امير
يا امير والله مرضك اوجع=الناس وصبح سماهم غير
قلقوا عليكم أهل ينبع=وقلقت عليكم رياض الخير
=خادمكم

.


حقيقة سيول جده




=الاولى
من المقدره باستمد الحيل=حامل معي راية الامال
عزمي فرس والمطيه خيل=باسوقها في سهل وجبال
في حرف ما يقبل التأويل =يعبّر برم الحدث والحال
المملكة ما بخستنا كيل=البخس جانا من المحتال
اللي تسبب بهذا الويل=باهماله تيتم الاطفال
وكم دار فاحت بريح الهيل=وساقت بيد الكرم فنجال
ياما دعت للمسامر ليل=وياما حضنت في حشاها رجال
اليوم بعد اجتياح السيل=طمست وصارت قفر واطلال
=الثانيه
سوء الفهم في مدى التخطيط=وتقاعس أهل العزم والحيـل
مع كثر الايعـاز والتفريـط=كانت سبب في اجتياح السيل

.

بمناسبة هطول الامطار الغزيرة على محافظة ينبع موخراً


.


هموا . . وفكوا طريق السيل=لا يوم يجتاحنا بشده
ونعيش في ملاوعات وويل=مثل الذي عاشته جده
=مـــــشـــــعل

.

رمضانيات

.

اليوم الأول=
اعرف ترى للصيام شروط =يقرها الشـرع واسلامـك
امسك زمام الأمر مضبـوط =اصحى الزعل يجرح صيامك
اليوم الثاني=
لا بد ما يحدد الإنسـان =أوقات تنفعه ما تضـره
يجلس ويختم بها القرآن =حتى ولو فا لشهر مره
اليوم الثالث=
يامن غوت فالطريـق خطـاه =ابـذل فهـذا الشهـر واجهـد
رطـب لسـانـك بـذكـر الله =واحرص على الفرض فالمسجد
اليوم الرابع=
يا للي حياتك هموم وكبت =ارسم فهذا الشهر بسمـه
عيد الفرح واستغل الوقت =ما دام في اولـه رحمـه
اليوم الخامس=
من كثر ما فالفطور إحتاط =قلل على قـد مـا تقـدر
نتيجـة الكـم والإفـراط =القلب والضغط والسكـر
اليوم السادس=
لا بد فاللي بقى من أيـام =جو الصفا نجعلـه سايـد
نسعى على مواصل الأرحام =في شهر فيه الاجر زايـد
اليوم السابع=
حنوا على السائل المحروم =لو ما الفقر احوجه ما دق
يزيد منهو عطى فالسـوم =ما تنقص اموال من صدق
اليوم الثامن=
للوالدين الاعـزاء حقـوق =وصى بها الـرب فكتابـه
لا ينوشهم من طرفك عقوق =كل شـي تعطيـة تجزابـه
اليوم التاسع=
لا تفوت لحظة فشهر الصوم =با در مادام الاجـر واسـع
با لأمس كنـا فـأول يـوم =واليوم في يومنـا التاسـع
اليوم العاشر=
لا حال حول النصاب وحال =الحول لا بـد مـا نزكيـه
نخرج زكاة البدن والمـال =ونحرص على الكيل ونوفيه
اليوم الحادي عشر=
عشـره ومـرت لياليـهـا =رحمة . . ضفت للسكينه نفح
وهذي ليالي بدت . . فيهـا =المغفره والرضـا والصفـح
اليوم الثاني عشر=
إنوي وإعزم ولا تبالـي =لا تطاوع ظروف محتجه
العمره في شهرنا الحالي =في اجرها تعتبر حجـه
اليوم الثالث عشر=
يا كم تشاحن رجل واخـوه =تقاطعـوا والضحـيـه ود
درب الزعل والضغن مكروه =خلاص يكفي خصام وعند
اليوم الرابع عشر=
لا بد تقلع عـن الدخـان =فرصه اغتنمها ولا تفوتك
كب اللعين الخبيـث الان =حرام تسعى على موتـك
اليوم الخامس عشر=
للوقت في شرعنا تثميـن=وهذا الشهر يعتبر مربحك
تابع مع أهل التقى والدين=لا تضيعه في دراما وضحك
اليوم السادس عشر=
بـادر وبـت الأمـر وابـدا=واكبح جموح الغضب وامتص
معروف عنـد العـرب مبـدأ=عمرالوفا مـا يعـود نقـص
اليوم السابع عشر=
لا تغفلوا عـن يتيـم الاب=اللي سعى الوقت فإحراجه
من عفته ما جلس في درب=يسألكم العطـف والحاجـه
اليوم الثامن عشر=
حتى بأعلى الجنان تفـوز=وعليك رب المـلا يرضـى
على الذكر والفضيله حوز=واسعى على زيارة المرضى
اليوم التاسع عشر=
الجار لا بـد نحضـى بـه=عليه وصى الرسول وحـث
ومن كثر ما يوصي اصحابه=ظنوا بأنـه يبـي يـورث
اليوم العشرون والاخير=
عشرة وفرصتك للتصحيح=اصحى في بحر اللهو تغرق
ومن يكثر الذكر والتسبيح=من نار يوم الحشر يعتَق
=وكل عام والجميع بخير


.

قبل ظهور هلال العيد


.
.

=الاولى
يالله نتسامح كذا بأسلوب=كثر الزعل والضغن ما يفيد
نجعل جليد الخصام يذوب=من قبل يظهر هلال العيد
=الثانية
قلت ارسل التهنئه وذليت=تقصر قبل توصل حدودك
وسرجت ظهر المطيه وجيت=اهني العيد بوجودك
=مـــــشـــــعل

.
احب ينبع




حسب العدل فالخشر ليه=في حب ينبع غرام وشوق
موروث والارض جديه=ما يلومني في حبها مخلوق
=مـــــشـــــعل
.

بمناسة مهرجان العيد في ينبع النخل




تعال . . لا تعتذر بظروف=شاهد معي مظهر التجديد
متع جميع الحواس وشوف=الناس . في مهرجان العيد
=مـــــشـــــعل

.

بمناسبة ترميم سوق الجابريه بينبع النخل


.


إعجبت بالحيل بالفكره=اللي صدرت من قبل اخوان
لهم بهذا الامر خبره=وايضاً لهم بالمواقف شأن
رٍجال للحاضر وبكره=وللماضي اللي تعدى وكان
خلوا من اللي مضى عبره=تاريخ باقي مدى الازمان
عصر التطور وفا شبره=حتى انتشا واستطال وبان
ولا فيه قريه ولا هجره=الا وقد طالها البنيان
=مـــــشـــــعل

.

بمناسبة مهرجان ربيع 1431 هـ وترميم سوق االسويق بينبع النخل


.



تعال يم السويق وشوف=أمجاد للأولين تقال
تكتب بماي الذهب بحروف=تحكي فخر سطروه رجال
=مـــــشـــــعل

.

بمناسبة مهرجان ربيع 1431 هـ بينبع البحر


.


تعال واحجز هنا موقـع=فا لشاطي الصافي الجذاب
لا يفوتك الجو في ينبع=وربيعها المنعش الخلاب
=مـــــشـــــعل
.

ايضاً في نفس الشأن




حسنك تعدى مدى حـدوده=بمثابـر العـزم والهـمَـه
بوقفـة شبابـك ومجهـوده=وصلتـي يـا ينبـع القمـه
=مـــــشـــــعل
.

بمناسبة عيد الام


.


=إلى امي الغاليه
اصوغ لحن الغلا بطاريك =واهيجنه عشق واتمه
واذلل القاف لاجل ارضيك=ولا شت عن فكري المه
ارضي ياعمري على مغليك =ما همني ساير الامه
ما يلومني كل عاذل فيك=يا شمعة الكون يا يمه

.

********************


مناسبات خاصه


********************


.

بمناسبة تعيين الشاعر العملاق جباره العروي

مستشار إداري في المنتدى


.



=إلى جباره العروي
الفضل لاهل الفضل ينسب=من هو يتجرأ على انكاره
مبروك تستاهل المنصب=واكثر منه زود يا جباره
=يستاهل
.

بمناسبة وصول عدد مشاركات

المشرف الكبير والشاعر العملاق جباره العروي إلى 1000


.



المشرف اللي وصل للألف=بمشاركاته نبى نهنيه
ياكم رسم بالمعاني حرف=الله لنا من الحسد يحميه
=مـــــشـــــعل
.
بمناسبة منح شاعر الجيلين ناصر الحجوري درع التميز


.


تبقى في عالي القمم مرفوع=ما ياصلك يا سمي راقين
ومهما منحت اوسمه ودروع=قليل يا شاعر الجيلين
=مـــــشـــــعل


بمناسبة اختيار الشاعر خليل الثقفي اسطورة الكسرة

في هذا المنتدى من قبل الاخ القيم


.


=إلى خليل الثقفي
ما جاك رسم الشعر تلفيق=شاعر وموهوب بالفطره
عليك هذا القرار يليق=ونعطيه عشره على عشره
=يستاهل

.

بمناسبة فوز الشاعر الميراج في مسابقة افضل غلاق

في احدى النسخ


.


=يستاهل
الكل شارك ولا يحتاج=كسب الفخر واعتزاز وصيت
اما اللقب راح للميراج=حسب القوانين والتصويت
=مـــــشـــــعل

.

بمناسبة مرور الشاعر احمد فاضل بوعكه صحية



=سلامتك
لعله الباس مـا يرجـع=يا أحمد ولا ترجع الشده
قلقوا عليكم أهـل ينبـع=وقلقوا عليكم أهل جـده
=مـــــشــــعل
.

********************


رسائل مع خالص التحية


********************


.

رساله إلى الغالي محمد عبده




عيد النظر واستخيـر الآن=من قبل ضيق القبر والموت
ومتـع محبيـك بالقـرآن=باللي بقى من عذوبة صوت
=مـــــشـــــعل
.

إلى إلى عمي الغالي عواده




انت لـلأرض المحيلـه ري=لا شح ضـخ الـرواه تمـد
معاك ما احسب حساب لشي=تعطـي ولا تنتظـر للـرد
=مـــــشـــــعل
.
إلى الغالي العزيز ابو حاتم




=سلامتك
امر وباب العطـا مفتـوح=تحت الطلب لا بغيت عضاي
واعرف ترى يا حياة الروح=سعادتـك غايتـي ومنـاي
=مـــــشـــــعل

.

إلى شيخ الكسرة عايش الدميخي



=مـــــشـــــعل
يا حر موقفك ما ينكر=حضرت وقت المحك الصعب
لا بد عسر الظروف تمر=ويزول هذا العنا والكرب
=مجاراة من المثًمن جباره العروي
وفعلك ياعايش ما يستنكر=واجب ومثلك عنه ما يغب
وزيد الصبر قد ماتقدر= عسى لعليلك تحصل طب
=مجاراة من الشاعر هاشم الغامدي
بنرفع البيرق الاخظر= لشيخ عايش حبيب القلب
وقت اللزم بان ماقصر= انشهد انه خوي الجنب

.

إلى اهل الموروث


.


=المشاركه الاولى
موروثنا حـر مـا قصـر=قاوم عواصف وصد رياح
لكن جاته سهوم اجـدر=هزت كيان العزيز وطاح
=المشاركه الثانيه
فضل عزيز المقام وشاف=يموت ولا يشتكى قهره
وزادت سنين الضياع اضعاف= حمولها وقصمت ظهره
=المشاركه الثالثه
لا بد هذا الخصام يميع=في مجتمع والقرار يعم
من قبل موروثنا لا يضيع=والماء اذا اندج ما ينلم
=المشاركه الرابعه
حتى حبال الانا ما تطيل=لا يذوب وسط الشتات الراي
توحدوا يا رجال القيل=وعيدوا نظر فالرديح الجاي
=المشاركه الخامسه
ليل الصفا ما اختلف لونه=باقي بنفس الطعم والذوق
في حوزة رجال يحمونـه=عن الوطا يرفعونه فـوق
=المشاركه السادسه
للقيل هل نصّبوا مرجع=يقدر يصّدر لنا ترخيص
اولائحة فالشعر تمنع=نجعل لنا صف ياأهل العيص؟
مكه ورابغ تبي تجمع=وأهل المدينة بعد وخليص
الكل له بالأمر مطمع=والمكرمه ماتبي تقليص
=المشاركه السابعه
ليلـه بوكـب النجـاح تسـيـر=بـحـضـور اهــلــه ورواده
موروثـنـا يـارجـال بخـيـرر=راجـع كمـا كــان لأمـجـاده
=المشاركه الثامنه
اخاف ذاك الطريح يضيع=ما بين صقلُه وتجميده
شبع من أهل الانا تلويع=يكفيه ما فيه لانزيده
=ويصحابنا سامحونا

.

رساله إلى من غاب فتره عن المنتدى ثم عاد


.


=إلى جباره العروي
حنا على نـار مستنيـن=ندافـع الشـوق ونجابـه
متى عزيز المقـام يليـن=يرجع ويسمع نداء اصحابه
=إلى عاصفة الصحراء
لهايب الشوق ما تقنع=من حقها توجه استفسار
عن نور نجمك متى يسطع=يا المشرف الغالي المغوار
انت حضورك لنا مطمع=محسوب واحد من أهل الدار
لو سقت الاعذار ما تشفع=غيابك اثر علينا وجار
=ايضاً إلى جباره العروي
تكفى تنشّد عن احواله=يا زين قله كذا ما يصير
ماجرب الشوق واهواله؟=وما يدري انه غيابه غير؟
وارسل رساله لجواله=يا زين من دون اي تأخير
ولاّ اذا تعرف عياله=اسأل . . ترى فالامر تنكير
المشتقي راح مرساله=مابين وقت الضحى وعصير
وللان غايب ولا جاء له=طوّل غيابه عساه بخير
=إلى نبض الحرف
نبغى تقارير وافاده=الوضع لا تحسبه سايب
يا نبض ماهي لكم عاده=اكثر من اسبوع لك غايب
=إلى هاشم الغامدي
اصغي معي في وسيم العاج=ودقق في ما يرسم الراسم
أيام من نفرة الحجاج=مرت ولا عدت يا هاشم
=إلى فارس الخطابي
لجلك لقاف المعاني عد=وافر .. ومانتَ مجرد رس
نبغاك حسب المعزه ترد=ولاصحابك تعود يا فارس
=إلى العرف
يا العرف غايب ولك مده=وحشتنا بالحقيقه موت
الصبر عندي بلغ حده=ارجوك رد النداء والصوت
=إلى كل من غابوا عنا
يامن لكم عندنا تقدير=رسم الوفاء في شرعكم عاده
كثر الجفا والهجر ما يسير=يكفي من البعد يا ساده

.

رسائل خاصه


.


=إلى جباره العروي
انت من اهل الوفاء والطيب= شاعر وراقي بأفكاره
يا عل شمسك لنا ما تغيب =وتبقى للأجيال ياجباره
=إلى عايش الدميخي
وش محوجك يوم تمنعني = عن فرحتي في مرورك يوم
مثلك حضوره يشجعني= ويزيدني فوق عزمي عزوم
=إلى ناصر الحجوري
خليك فالمنزل العالي = عن الطمن فوق متربع
في هرج عاذلك لا تبالي= لا بد عن موقفه يرجع
=خليل الثقفي
طيب النبأ فيك واخلاقك=تأكِد إنك من اهل العرف
والمفرد الصعب واشواقك=تمازجوا يا خليل بحرف
=إلى محمد الريفي
تملك ملفات وارشيفي = لأهل الفكر ما التقت فالسوق
رقيت يا محمد الريفي = بحسن الادب واللباقه فوق
=إلى الميراج
لك حرف ما ينثني سيفه= كل سبت يظهر لنا في عاج
الكل جيته على كيفه= كفيت واوفيت يا الميراج
=إلى ماجد ابومديده
الان يالشاعرالحلحيل=سجل بصفحة مشاريعك
تظهر مواهب بنظم القيل=تحتاج مدحك وتشجيعك
=إلى ابو زارع
يضل حرفك قوي جذاب=في حنك تضبط موازينه
اوقات يوقعك فالانشاب = وفي اغلب الوقت يا زينه
=إلى نبض الحرف
تردد بأسمك حروف القاف=وتستلهم الحرف من حرفك
يا نبض يا طيب الميقاف = اغليك من غير ما عرفك
=إلى ابن الشربتلي
اول ما شم الهوى حرفي = فالمنتدى انت شجعته
يابن الذي لا وعد يوفي= حافظ جميلك ما ضيعته
=إلى الصراف
لا شفت حرفك لا بد ادخل= ما يجوز اّّخذعنه محراف
وافي وتبقى بعين الكل= شاعر ومحبوب يا الصراف
=إلى هاشم الغامدي
حرفك مميز وايضاَ له= جمهور جارف ويغليكم
ويحق للمنتدى واهله = يا الغامدي يفتخر فيكم
=همس القوافي
نصبت فالمنتدى جندي=كلك تفاني من اجل الغير
همس القوافي لكم عندي=فوق المعزه غلا وتقدير
=ناصر الصواب
تبني معا*** من واقع=وتشرح لنا وضعنا الحاضر
صغير فالسن متواضع = كبير بالفكر يا ناصر
=إلى نجم الجاه
تفز لأهل الوفاء فزاع= وتوصل الحق لا مبداه
ولا راح غزر المعاني وضاع = انته دليله يا نجم الجاه
=إلى لافي
حلو الشعر يرتقي براعيه =ويرفعه عن طمن سهله
وانت تبيع الوفاء وتشريه=وما استنكرالطيب من اهله
=إلى عازف قطعه
لان طيب النبأ مبداي= مجبور احسب حساب الغير
ورغم اختلافي معك بالراي = اضمر لك الود والتقدير
=إلى النوير
مواري الحقد والغيره =اجارنا الله واياكم
لا شفت الانسان في حيره = ما بين صده ولقياكم
=إلى طلال عبدالله
احرص على مقابل مودك=لو طال فيك النظر خَلَّه
ما يمل من شوفتك جدك=لاجله بك يشوف عبد الله

.

رساله إلى من خاضوا
في مهاترات غير مجديه قبل الرديح الذي اقيم ليلة زفاف الغالي
زياد الصيدلاني




لا نخوض في مهاتره يا رجال=في أمر شايك وله ابعاد
والفرحه في مهدها تغتال=تموت . . ويبقى الضحيه زياد
=مـــــشـــــعل


.

********************


الحان مع شعراء في المنتدى


********************


.

لحن مع الشاعر الكبير جباره العروي


.


=مـــــشـــــعل
من بعد هجعة قليل الهـم=اللي اهتنا في منام الليل
سلام ماينحصـي بالكـم=وماله مدى لا بغيت تخيل
=جباره العروي
يقول من لاغفـا واسهـم=طرفه سهر والرقيب سهيل
ترحيب يامن لنـا تزهـم=يامشعل سراج هذا الجيل
=مـــــشـــــعل
من بعد قري السلام وعم=الان بانثر حروفي سيل
وصحح ترى اخوك يتعلم=ان كان فيها قصور وميل
=جباره العروي
لأجلى بشعر الشباب اهتـم=موقف فرضته عنه ماحيـل
مرهف لك السمع وانت اقدم=وانثر حروفك وهات القيـل
=مـــــشـــــعل
رايت اني في غبة جم=وظلام دامس يهد الحيل
فتحت وان القضيه حلم=افيدني لو لها تأويل
=جباره العروي
مادام ماهو صحيح وعلم=وواقع منه تشتكي تنكيل
لاضغاث الاحلام مانعلـم=لانهـا تشبـه التمثيـل
لكن حسب ماعرفه وافهم=يامن لكم عندنا تجليـل
من شاف فالحلم شي يغم=يخفيه مايفصله تفصيـل
=وانتهى اللحن

.

ايضاً مع الشاعر الكبير جباره العروي


.


=مـــــشـــــعل
انا اعرف انك عنه تدري=لجله سمـوك مـن اربابـه
هل الشعر يعتبـر حصـري=وفيه ناس عن ناس تحضابه
=جباره العروي
من عادتى يتسع صـدرى=وآنـا مناصـر لطـلابـه
ما للشعر حصر من خبرى=ولا سمعنـا مـن اقطابـه
=مـــــشـــــعل
هناك في شعرنا المقري=كلاً ينادي على اصحابه
والناس للجيده تشـري=والزين من طيب جلابه
=جباره العروي
دع ما جرى وكون متمجرى=والصقر يشبـع بمخلابـه
ولاصار نظم الشعر مغـرى=كـلا يــوده ويشقـابـه
=مـــــشـــــعل
انا اعتلا في الشعر قدري=واصبحت من ضمن كتّابه
وشهدت لي إنت من بدري=والكل ابدى لي إعجابـه
لكن فئه بدمهـم يجـري=الخبث وما جاد بالجابـه
اللي اقيّـم بهـا شعـري=ولا وضح البعد واسبابـه
=جباره العروي
الصـد لاصـار مستشـرى=كثيـر مثلـك مايرضـابـه
وما يُفرض اعجاب با القسرى=كــلا بـرايـه ويقـدابـه
وما دمت واثـق ومقتـدرى=والقيـل مشـرف لمرقـابـه
لاتنشغل بـا لـذى يجـرى=كلا عطـه كشـف بحسابـه
=انتهى


.

مع شاعر الحكمة وشيخ الكسرة عايش الدميخي


.


=مـــــشـــــعل
من حر مابـي وماأنـوس=ومن ما بقلبي من الحسرات
جيتك عسايه معاك احـس=باللي بقى من زمان فـات
=عايش الدميخي
وصلت لك عد ما هـو رس=عدوه ضمن العـدود ثقـات
هات الذى فخاطرك لا تدس=ونعمل على ما يجى دراسات
=مـــــشـــــعل
عرضت حرفي عليك وقس=في أمر سبب لنا حرقـات
تعاونـوا فاقديـن الحـس=حتى جهزوا عالقتيل ومات
=عايش الدميخي
خذلك حكم شخص متمرس=للنقض قابـل وللاثبـات
ما تذكره شئ ما ينومـس=لاشرع قـرّه ولا عـادات
=مـــــشـــــعل
ماهو على الحد هـذا وبـس=بـل كـرروا فعلهـم مـرات
والقصد طمس المعالم طمس=حتى لهـم تكمـل الغايـات
=عايش الدميخي
ياما ترى خلاف بين الانس=ومنهم تجد سـئ النيـات
ولو حاولو يحجبون الشمس=هيهات ما تنحجب هيهـات
=مـــــشـــــعل
الان مظيومنـا بأمـس=حاجة لوقفة أهل فزعات
حتـى يعـود ويتنفـس=من بعد فقد الثقه بالذات
=عايش الدميخي
لامست بعض الحقائق لمس=وانا احترم وجهة النظرات
وكل شئ له ساس ومؤسس=ما يطمسه سافى الحايـات

=ويصحابنا سامحونا
.

مع الشاعر الرائع ناصر عليثه


.


=مـــــشـــــعل
عداد مـا يكنـز التاجـر=من المال حتى وصل مليار
سلام ينصاك يـا ناصـر=يا للي لكم بالمعاني كـار
=ناصر عليثة
عـداد مايكتـب الشـاعـر=فوق الورق من حروف اشعار
ترحيب يطرب لـه الخاطـر=ياحر من ساس قوم احـرار
=مـــــشـــــعل
الان بشكي اسـى جايـر=واصغي لي السمع والانظار
حسب القوانيـن والسايـر=اللي رسمها لنـا الشعـار
=ناصر عليثة
تفضل انا معـك حاظـر=هيا اعطني مؤجز الاخبار
ولااصبح لنا علمكم ظاهر=نحكم ولانبخس المعيـار
=مـــــشـــــعل
اللي مضى بودهم طايـر=باِعجاب ومعلى المقـدار
فالناس ياخوك ويش صاير=يبادلون الوفـاء بانكـار
=ناصر عليثة
من ينكـر الطيبـه بايـر=ولاله مع اهل الوفاء مقدار
ولاصار ماهو رجل نايـر=في خانته حط عشر اصفار
=وانتهى اللحن

.

مع الشاعر الغالي عبيد العمري ( الخلاوي )


.


=مـــــشـــــعل
يا عبيد بوجز لكم ما صار=سطرين ياعبيد لا اكثـر
اخوك في مصارع الأفكار=بين البقا والرحيل المـر
=عبيد العمري
ياحيد في مقاوم الاعصار=شامخ مع الوقت مايعثـر
وضح لنا سبت المشـوار=وأنا معك في الأمر مااقصر
=مـــــشـــــعل
اوفيت معهم خفا وجهار=لاكن ذاك الوفاء ماثمر
يبادلون الوفاء بانكـار=كيف البصيره بهم ياحر
=عبيد العمري
مدام خالفك في الإبحـار=لاعاد في مواصله تنظر
وأنا اعرفك شيخ للاحرار=لابد من عاندك يصغـر
=مـــــشـــــعل
هم ما يقارب ثلاثه انفار=تكاتفوا في دعاوي الشر
يريسهم طاغيه مكـار=يعجبك باللبس والمظهر
=عبيد العمري
يبقى خيار الرجال خيار=مهما عليه السنين تمـر
لا تلتفت في عقول صغار=شامخ مقامك وهي تقصر
=ويصحابنا سامحونا
.

مع الشاعر الغالي هاشم الغامدي


.


=هاشم الغامدي
سلام عد المزن لاهـل=عواصفه هزت جبالـي
ورعود وبروق يامشعل=تزلزل الأرض زلزالـي
=مـــــشـــــعل
عداد نجم السماء واشكل=يا راعي الطيب يا الغالي
ترحيب وافر ومستعجـل=يرسل لك الان بالحالـي
=هاشم الغامدي
ياحضرة الشاعر الأمثـل=بارقى معك بالمثل عالـي
هذا شرف كان لي يحصل=يسير مضـرب للأمثالي
=مـــــشـــــعل
انت الذي حرفك الاجمـل=ولك عندنا قدر واجلالـي
ولاجاني منك المثل مرسل=ارد فــوراً وطـوالـي
=هاشم الغامدي
لي قلب ياصاحبي معتل=واعتل من سبته حالي
لعل عندك نلاقي حـل=يعدل لنا الحمل لامالي
=مـــــشـــــعل
مهما حمول الحمل تثقل=ما يشكي الجور جمالي
وانتً جمل والجمال تقل=الحمل في كل الاحوالي
=وانتهى اللحن

.
مع الشاعر العذب الرائع

حمود الوافي


.

=مـــــشـــــعل
عداد من حج هذا العام=مقرن ومفرد ومتمتع
سلام ينصى الصديق الهام=اللي فقلبي أخذ موقع
=حمود الوافي
يامن سلامك علي وسام=جتك التراحيب وانت اسمع
عديتها مالقيت ارقام=عن الذي بخاطري يقنع
=مـــــشـــــعل
ما كنت متوقع الاقلام=تعرف لمن تكتب وترفع
حتى خذتني عنو ولزام=يمك . . تبي وقت مستقطع
=حمود الوافي
لاشك هذا الشعور التام=محسوب عندي ومتوقع
شاركتني والمشاعر خام=اطمع بها مثل ماتطمع
=مـــــشـــــعل
ابغى اختلس غفوة اللوام=والخص المشتكى فاربع
كيف العيون الشقيه تنام=ويهنا لها فالدجى مهجع
=حمود الوافي
بلا سبب مايسير خصام=وعينك عن النوم ماتقلع
وان بان لي مصدر الاسقام=اسعى على راحتك وافزع
=مـــــشـــــعل
قلبي خُطف من قِبل ظلام=اخِفِي . . بليا سبب يشفع
ما صدروا له حكم باعدام=ولا علموني متى يطلع
=حمود الوافي
الظلم ماقره الاسلام=وخصمك من الحق مابجزع
اسعى لهم من يمين وشام=لابد نور العدل يسطع
=ويا اصحابنا سامحونا
.

********************


مراسلات عبر المنتدى


********************


.

مراسله مع الشاعر الكبير جباره العروي


.


=مـــــشـــــعل
قلبي من اللى حصل ملهود=والضيم راجـح بمعيـاره
إلى متى والقلوب السـود=تضمر لنا الحقد يا جباره
= جباره العروي
والله ماارضى عليك نكـود=أنـكـر الحقـد وانـصـاره
وفا لعرف ماانت قصير زنود=كلا عطه حسـب مسعـاره
=مـــــشـــــعل
بالمعرفه مـا عليكـم زود=تسعى ومساعيـك جبـاره
سالم من النقـد والمنقـود=مشرف ولـك وزن وإداره
والان اسمع صفا المـردود=ونتايـج الظلـم واخبـاره
كلاً توشـح لـه فبـارود=جاهز وبيشن لـه غـاره
المشكله حرفـي المقـرود=هو الهدف كـان والشـاره
ولو كانها بالعضل وفـرود=لي عزم ما تنطفـي نـاره
يجعل كبار الجبال مهـود=ويقضي على الشر في داره
لكن اقيس الفكـر واعـود=واقـول للسـن مـقـداره
=وانتهى

.

مراسله مع الشاعر الخلوق خليل الثقفي


.


=مـــــشـــــعل
جيتك عسايا الاقي طب=ومن مثلك الشور نرضابه
احترت بين العقل والقلب=مابينهم رحت بنشابه
سوّاها قلبي عصاني وحب=وانا اول الود ماشقابه
اصبحت بمفارقات الدرب=من منّهم صح واقدابه
=خليل الثقفي
الود حاكم وحكمه صعب = نافذ على كل من صابه
الله خلق بالقلوب الحب = ومهما حصل فيه ماتهابه
تشرب مراره وتشرب عذب = والكاس من طيب صبابه
ولاشوف في ماحصل لك ذنب = يهناك ودك،، وتهنابه
=انتهى

.

ايضاً مراسله مع الشاعر الخلوق خليل الثقفي


.


=خليل الثقفي
سلام يشعل مداه الشوق = ويريح القلب مردوده
جيتك منوّخ هموم البوق = اللي سرت تشكي وعوده
لا قرب حاصل عليه اروق = ولا بعد اسلم من وجوده
ترّكه ألم والتواصل توق = حارت معي داخل حدوده
=مـــــشـــــعل
ترحيب عالي مقام يلوق=لمعلم الشعر وبنوده
اللي اعتلى بالمعاني فوق=حتى وصل عالي شهوده
ياكم قبلك شكى مخلوق=اضعف مساعيه وجهوده
وانت مجرب وكلك ذوق=وتدري عن الود ولهوده
=انتهى
.

مراسله مع الشاعر المميز الميراج


.


=مـــــشـــــعل
عداد وبل المطر واكثر=وعداد ما فاللغات حروف
سلام مهديه ومعطر=بالطيب ووضح النقى محفوف
كل شي مكتوب ومقدر=ذا شي بين العرب معروف
كم لي لنزع الهوى اقهر=وايضاً جموح الفكر معسوف
لكنه الطرف كان اجدر=ما ردته معضلات الخوف
صدفه ومن غير ما اشعر=مد النظر واستباح الشوف
=الميراج
باعداد رمل الثرى الاطهر =ومنهو سعى فالحرم ويطوف
ترحيب مثل المطر لامطر =واحيا بوبله ثرى ودفوف
ذا شي معلوم ومسّطر =قدام لا تفتح المظروف
حتى لصار الامر وابصَر =راعيه يبقى عنه مكفوف
وانت على حسْب ما يظهر =منصاب من طرفك الملهوف
اللي تسرّع ولا قدّر =وحدّك على الموقف المأسوف
وتبقى من اللي حصل اكبر=ودايم فروس الجبال النوف
ورغم الصبر مرّ بس اصبر =لأن درب الصبر مخلوف
=انتهى

.

مع الشاعر الرائع ابو زارع


.


=ابو زارع
سؤالنـا يـا اعـز النـاس=عن جور حكم الهوى القاسى
له حق فمصادر الاحسـاس=ولا مله حق فى احساسـي
=مـــــشـــــعل
ما حددوا للهوى مقياس=يجرح على كيفه وياسي
ومهما بلغ في جويد الساس=يبقى على موقفـه راسـي
=انتهى

.

مع الشاعر ماجد ابو مديده


.


=ماجد ابو مديده
كُل ماتمايل غصين البان=اللي نشا وإختصل من فن
يطري عليا الغرام ألوان=وأرجع أقول البعاد أحسن
=مـــــشـــــعل
ما دام فيك الهوى نشوان=ومتمكن الود ومهيمن
عيشه رضا وجاذبه تحنان=لأن درب الوصال ازين
=انتهى

.

مع الشاعر الرائع عبدالعزيز بنيه


.


=مـــــشـــــعل
غرامنا حـر مـا قصـر=قاوم عواصف وصد رياح
لكن جاته سهوم اجـدر=هزت كيان العزيز وطاح
=عبدالعزيز بنيه
عزيزنا حـر مايخسـر=مهما عليه الزمان اجتاح
له يوم بعد التعب يظهر=ويعوض الربح فاللي راح
=مـــــشـــــعل
هـذا اذا للشبـاب يـقـر=ويترك لهم وقت للإيضـاح
ونكبح جموح الاناء والشر=ونسعى معاهم على الاصلاح
=انتهى

.

مع الفيصل والخلاوي


.

=الفيصل والخلاوي
لك قاف في غاية الروعه=طوعته الحرف حتى طاع
وأشعلت في المنتدى شمعة=تكشف لنا محارب الابداع
=مـــــشـــــعل
فالمنتدى رجال مجتمعه=شعار في غاية الامتـاع
وحرفي يتمنى وله طمعه=لكن ما حان الامر لساع
=انتهى

.

مع الشاعر المتقاعد


.


=المتقاعد
لاصار ماللهوى قاضى=اهل الهوى مين يستفتون
كل ماجعلته من الماضى=القى بوسط الفؤاد شجون
=مـــــشـــــعل
خلك بحكم الهوى راضي=مهما تلقيت منه طعون
لا تضيع الوقت بالفاضي=مال للهوى حكم فالقانون
=للأسف لم يكتمل

.

مع الشاعر الفران


.


=الفران
أعامله كيف ذا الجراح=لاصار ما يضمد جروحي
مادام عنده دوا الارواح=( حاجبه ليه عن روحى )
=مـــــشـــــعل
ما دام جرحك نزف يا صاح=وطبيبك مصد ما يوحي
اغنم من الطيبه ما لااح=لا تجادل فنص مشروحي
=للأسف لم يكتمل

.

مع الشاعر قادم من بعيد


.


=قادم من بعيد
استـــــفحل الامر واستـــــــعظم = واحــــتارفي امــــــره المفـــــــتين
كـــــيف الــهوى يخـايل الابـــكم= بالســـمع ولا نـــــــظر بـــــــالـــعين
=مـــــشـــــعل
يا من بهذا الامر مهتم=تسأل نحيل الغرام لمين
على حسب ما أرى وافهم=القلب ابلغ من الاثنين
=انتهى

.

مع الشاعر لافي


.


=لا في
في منتدى ينبع الميقاف=جسيت بإحساس وجداني
لقيت فيه الرجال أصناف=كل صنف أحسن من الثاني
=مـــــشـــــعل
يا من بدعت المثل والقاف=شديتني بعذب الألحاني
عن الوفاء ما لنا محراف=نجازي الطيب باحساني
=للأسف لم يكتمل

.

مع الشاعرالشويعر


.


= الشويعر
انا دخيلك ابي لي حل = يفكني من غرام الغيد
عيدي ماهو عيد يامشعل =وما اعد عيدي بدونه عيد
=مـــــشـــــعل
دور على صاحبك واسأل=لا تتبع العند والتشديد
الشرع اوجد دروب تدل=تقضي على البعد والتشريد
=انتهى

.

مع الشاعر الكبير ناصر الحجوري


.


=ناصر الحجوري
قوافي أرض المعاني بور=ينبع على حدها الساقـي
ليه امحلت والحروف بذور=تدّور على الحرف ماتلاقي
=مـــــشـــــعل
انا احترم رايك المذكـور=حسب اختلافات الاذواقـي
وما ودي احكم حكم مبتور=يطمَس خلاله شقا شاقـي
=انتهى

.
مع الشاعر العذب حمود الوافي


.

=مـــــشـــــعل
لا تحسب إن الأمر فيه=واصل لهذا المدى والحد
قلبي تحت قبضة إيديـه=يصد لني بغيت يصـد
=حمود الوافي
نار الهوى طبعها حيه = ماحد يجى للموده ند
يفرض على الناس فرضيه = ويردها لابغاها ترد
=مـــــشـــــعل
مهما ودادي بلغ بيه=اهمشه لا غدى لي ضد
وكلا له اراء شخصيه=ولموقفه يحتمي ويسد
=حمود الوافي
من عندكم جات برقيه = ومن عندنا ماعليها رد
لأنها حالتك ذيه = تخصك انته حسب ماتعد
=انتهى

.

مع الشاعراالحنش



=الحنش
اليوم لا ذي ولا ذيه = عايش على الظن والتأويل
أنا فؤادى غدر فيه = وطشنى فى ضفاف النيل
خارج حدود السعوديه = مبعد عن الدار مية ميل
حتى وصلت الدقهليه = واليوم أشكى عذا ب مهيل
=مـــــشـــــعل
من وجه بحري بعث ليه=وعليّ نص القضية حيل
حاورت الافكار عصريه=احط بالمشتكى واشيل
لقيت ما هناك مبديه=اوضاع ابني عليها قيل
المسأله حيل شخصيه=ما حبذا تستمر وتطيل
=انتهى
.

.

مع الشاعر اسد السميري



=اسد السميري
العقل لا قر ميزانه = يفك صم الحجر معناه
لكن لو إختلف خانه =يضيع كل الذي سواه
=مـــــشـــــعل
صحيح ما قلت في شانه=العقل نعمه وهبها الله
مير البلا بناس تعبانه=تحرف القيل عن مبناه
=انتهى

.

أيضاً مع الشاعر اسد السميري



=اسد السميري
لجلك علم فوق خفاقي = حسن وأدب محتويك بذوق
ترحيب صادر من أعماقي = بإعداد ما فالمعاني شوق
=مـــــشـــــعل
مشكور يالشاعر الراقي=يامن بطيبه تعلا فوق
عسى البقا . . والوفاء باقي=يا عد يامهذب المنطوق
=انتهى
.

مع الاديب احمد سعد الثقفي



=مـــــشـــــعل
باسألك يا احمد سعد بالله=اللي خلق لك مزاج وكيف
لجلك من أهل الفكر والجاه=ناقد ولا تقبل التحريف
ودي انحرف والتوى ممشاه=واللي مضى مثل حد السيف
ليه الهوى صار بملاواه=وقلة قدر وابتزاز وزيف
=احمد سعد
يامن على الطيّبه ممشاه= ولك قدر بالنايفات منيف
كل شى منكم تعلمناه=ياخيرة اهل الأدب تصنيف
مادام ودك تنحى وتاه= عن خط سيره وصار مخيف
ابحث وشوف الذى خلاه= يلوى دروبه وعنك يهيف
وما يغير الود عن مجراه= الاالذى ما يعرف الحيف
ومن لا يصون الهوى ويدراه= يصبح غرامه مجرّد طيف
=انتهى

.

مع الاديب الشاعر الكبير احمد الدبيش



=مـــــشـــــعل
من قبل فالمشتكى لاشرع = واشرح لك الأمر والاحوال
سلام يـا صـرح متربـع =على الهرم والحقيقه تقال
الأن اصغي لنـا واسمـع =اللي بوسط الخواطر جال
لي ود خلوا منـه مرتـع =للعند ومناقـض الاقـوال
وزود العنا من جهات اربع =تخالفوا من سنين طـوال
ودام الانا زاد وش يمنـع =ما يفصلوا بالقضيه رجال
=احمد الدبيش
لك عندنا الموقع الأرفـع =مانرتضيلك مكـان بـدال
ترحيب والطيبـة مطمـع =نضيفها فوق راس المـال
كلاَ من الوضـع متجـزع =واللي حصل مايسر البال
مين الذي كـان متوقـع =توصل اموره لهذا الحـال
ولو كان بعض البشر يقنع =إن الآنـا مرتعـه بطـال
كان اتخذ فالعقـل مرجـع =لأن صوت العقـل فعـال
=انتهى
.

مع شيخ الكسرة عايش الدميخي



=مـــــشـــــعل
اعداد قطر المطر لامطر=معاه زخة برد ورعود
سلام ريحه شذى معطّر=ينصى سليل الكرم والجود
يا الله عسى ما يعود الشر=ولا تعود ذيك الليالي السود
كل شي مكتوب ومقدّر=والمرء اخر مداه لحود
ابسألك من بعد ما مر=ثلاث مية نهار وزود
واقع اسى الحزن هل يسفر=عن رد روح الضنا المفقود
=عايش الدميخي
باعداد عود الشجر لاثمر = واعداد ما اورش ورق فى عود
ترحيب مخصوص ومسطر =بمداد من عطر دهن العود
كل حي لوقد ما عمّر= ماله عن المسكن الموعود
ولاحان وقت الاجل شمّر=لوكان حوله حرس وجنود
صابر وطبع الحنين اقشر= دايم يجيب الحزن ويعود
لكن جعلت الرضا معبر= لما لقيت الحزن اخدود
ايقنت ان الامر ايسر= وان الصبر آخره محمود
لله فى كل ما قدّر= حكمة ورب الملا موجود
.

مراسله مع الشاعر الراقي محمد الهريويل



=محمد الهريويل
تابعت ما يحـوي القرطـاس=بعد القصص مشتـرى ناقـي
معمار ما فيـه دق أجـراس=عالي من المستـوى الراقـي
له ساس مع ساس زايد ساس=رسـم المعالـيـم متـلاقـي
أرسـت مشاريـع للحسـاس=زادت عمـار البنـاء باقـي
=مـــــشـــــعل
ريس على الحرف ما تنراس=بيرقـك عالـي وخفـاقـي
يا شاعر القيل يـا نبـراس=ياللي على الطيبـه راقـي
لك ود وافر ومـا ينقـاس=على العدد والمـدى فاقـي
والشكر يا حر يـا قرنـاس=منـي لحضرتـك ينساقـي

.
مراسله مع الشاعر السوجن



=السوجن
مع عودتك عادت الأفـراح=والكل غنا طـرب مسـرور
وعادت هذيك القلوب صحاح=لجلك على الطيبـة مذكـور
=مـــــشـــــعل
شكراً على اللي ورد يا صـاح=من أول سطر لأخر المنشـور
يكفي عن اللـي تنحـى وراح=اللي حضر0 والأمـر مقـرور
ومعـادن الطيـب مـا تنـزاح=تبقى مع اهل الفكـر والشـور
اللي احصدوا في الفضيله ارباح=واللـي لهـم بالموافـأ درور
=انتهى

.

مراسله مع الاخ فهد عايش




=مـــــشـــــعل
بَعدك رمتني ليالي سود=فملاوع الهم والكربه
عود ترى للفراق حدود=يكفي من الصد والغربه
=فهد عايش
يامن لهُ فالفؤاد وجود=ومعانق الـروح في قربه
مهما بعــدنا لابد نعــــــــــود=ونجدد العــهد والصحبه
=انتهى

.

********************


مداخلات عبر المنتدى


********************


.


مداخله مع شيخ الكسرة عايش الدميخي


.

=عايش الدميخي
آه الرجولة فخطر يا رجال = من بعض ابناء هذا الجيل
ثيابهم ضيقة وطوال =والمكيجة فى نهار وليل
=مـــــشـــــعل
عيني رأت يا رجال عيال=بشعور تربط سواة الذيل
لا . والمصيبه ظهر سروال=طرحه ردى وإنكشافه ميل
=انتهى

.

مداخله مع الشاعر موروث الكسرة


.


=موروث الكسره
كل الدلايل عليه تشير=وتثبت مدى صحة اقوالي
قلبي وقع في مغبة بير=يشرب من المر ويكالي
=مـــــشـــــعل
بهرني الوصف والتصوير=للمشتكى جيت طوالي
ابغى اعلن الشجب والتنكير=واوقف مع الحق ما بالي
=موروث الكسره
ليتك برايك عليا تشير=مادامها تهمك احوالي
وين التقي للكسر تجبير=حتى اطلق جناح امالي
=مـــــشـــــعل
بسألك . . ويش سبب التعكير=وخلاك في هم متوالي
مقدر اصدر حكم من غير=ما تشرح الوضع يالغالي
=موروث الكسره
تداخلت في خطوط السير= وديان وسهول وجبالي
صارت وش اللي جعلها تصير=ومسئولها صار مايبالي
=مـــــشـــــعل
قررت مع خالص التقدير=اعطيك حكمي بالامثالي
يا صقر رِف الجناح وطير =وارقى على المرقب العالي
=انتهى

.

مع الشاعر هاشم الغامدي ايضاً


.


=هاشم الغامدي
ظليت قدامها حيران=اتأمل الحرف واعيده
اعرفك انك صقر شيهان=تبحث عن الجرح وتصيده
=مـــــشـــــعل
انت برسم الشعر فنان=لك حرف عليت تشييده
بصيص حرفي يادوب يبان=امام شعرك وتأييده
راع الغلط لا غلط يا فلان=نبدأ بنصحه وترشيده
اما اذا ما تغير شأن =لا بد يضرب على ايده
=انتهى

.

مع الشاعر منكس الطربوش


.


=منكس الطربوش
ياشام ياديرة التفاح=والورد والخوخ والفستق
حنا هنا نغري السواح=بالحنظل المر والعشرق
=مـــــشـــــعل
اسمع كلام العقل يا صاح=والعرف والذوق والمنطق
المرء مهما تعنا وراح=عن ديرته ما له المدرق
=انتهى

.

مع الشاعر ابو زارع ايضاً


.


=ابو زارع
مدام ما زانت الأحول = وأهل البلد رافضين الصلح
يبقى الذي صار من أهوال = مسئول عنها حماس وفتح
=مـــــشـــــعل
حماس لا قلت الاموال=تفتح بقلب العروبه جرح
دايم تبدد لنا الامال=ما يفيد معها كلام ونصح
=انتهى

.

ايضاً مع الشاعر ابو زارع


.


=ابو زارع
الموج وسط الملاعب جال = واستمتع الكل بفنونه
غلطان من عاندك ياهلال = نصيحتى لا تجارونه
=مـــــشـــــعل
حتى لوإنه هلالك طال=وعليت مراقيه وشؤونه
تجيه بالمقبلات رجال=تنهيه وتنقز عيونه
=ابو زارع
زعيم راسى رساة جبال = يصعب عليهم يهدونه
الفوز دايم .عليه محال = مخبور للي يبارونه
=مـــــشـــــعل
اوعدك ان الجبال تـزال=وهلالك ابطال يقصونه
هذا إذإن الحكم ما مال=واللعب يمشي بقانونه
=انتهى

.
مع الشاعر ناجي الحمدي



=ناجي الحمدي
أملج وينبع لها عنوان=للفن وكتابـة الكسـره
من عهد سابق لحد الآن=شعار وصفوف محتكره
=مـــــشـــــعل
القاف ما هو حكر يا فلان=كلاً وله فا لأمر خشـره
اخاف من باقي البلدان=عليـك شعارهـا تشـره
=انتهى
.

مجاراه مع الشاعر قسوره


.


=قسوره
عليك صادر امر ترحل=عنى وتنهى علاقة ود
الامر لله عـز وجـل=ما لى فمنع ابتعادك يد
=مـــــشـــــعل
وعني اذا رحت لا تسأل=اجعل لهذي العلاقه حد
من الصعب نبقى كما الاول=اللي مضى من غرام يسد
=انتهى

.

مجاراه مع الشاعر عبيد العمري


.


=عبيد العمري
الكل منا يبى ويريد=ويرضى بما قدر الخالق
لو كان الافراح يوم العيد=تزيد في قلبي الحارق
=مـــــشـــــعل
وانا بعد مثلكم يا عبيد=فيه وسيع الفضاء ضايق
جمرة غضى فالفؤاد تقيد=لهيبها يحرق الخافق
=انتهى

.

مجاراه مع الشاعر بحر



=بحر
دام الهوى عزّ وش باقي = وش يجبرك تكمل المشوار
خلاص ياقلبي الشاقي = إنساه .. كن الأمر ماصار
=مـــــشـــــعل
حتى ولو كان باعماقي=له قدر عالي مقام . . ودار
بمحاه من كامل اوراقي=ما دام درب البعاد اختار
=انتهى

.

مجاراه مع الشاعرعاصفة الصحراء



=عاصفة الصحراء
ياطير حمّلتك رسالـه=من صرحنا ودها لزياد
مضمونها نطلب وصاله=ونقول كافي هجر وبعاد
=مـــــشـــــعل
يا طير لا تلث بعجالـه=روح وحدد لنا ميعـاد
راع الوله حالته حالـه=شوقه تعدا مـداه وزاد
=انتهى
.

********************


سؤال وجواب


********************


.


=مـــــشـــــعل
اليوم يا حضرة الفهام=لاجل العشم للسؤال ابديت
الصاعقة وش تبي بحطام=وش ترتجي من بقايا بيت ؟
=البتال
من ديدن القيل والاقلام = ولسؤالكم يا سمي لبيت
لا تســـلم القـــلب لظلام = وتقول بكــره معه ياليت
=البردوني
يا مرحبا بالسؤال الهام =اللي لجل خاطره غنيت
ما همّها بأوله قدّام =ولا درت قالته ياليت

.

********************


اراء شخصية


********************


.

رأيي في شيخ الكسرة عايش الدميخي



=مـــــشـــــعل
انا على عايـش امـاري=اللي اعتلا كوكب المريخ
وحسب الذي جال بافكاري=بانصبه للمعاني شيخ
=رد شيخ الكسرة عايش الدميخي
انا عن شعوركم داري =يقين ومرسخه ترسيخ
مضمون قدرك ومقدارى= من غير القاب اوتشييخ

.

رأيي في مثّمن الكسرة جباره العروي


.


=مـــــشـــــعل
عملاقنا الشاعر الاشهر=روضة فكر وارضها خصبه
200 وأزيدها احدعشر=نتيجة معادله صعبه
=رد المثّمن جباره العروي
ياشعلة المنتدى تشكر=يامن على الطيّبه دربه
من مثلك الطيب مايٌنكر=دايم وعلم الوفا كسبه
لو جيت اجاريك ما اقدر= لحروفكم تعجز الحسبه
لاكن حسابى بكم اكثر=يامروى الشعر من عذبه

.

رأيي في أمير الكسرة ناصر الحجوري



.


=مـــــشـــــعل
رأيي وما لي غرض فالغير=وأبّت بالعلم واجاهر
مال لسمو الحروف أمير=غيرك يا ناصر ابن ظاهر
=رد أمير الكسرة ناصر الحجوري
لك راي مايقبل التنكير = والحق ماينكره ناكر
سديد رايك ياوجه الخير = ماهان من قال ياناصر

.
رأيي في منتديات ينبع النخل الرسمية

منتدى الاصالة والتاريح

.

بيـن المواقـع هـو الاروع=رواد فا لمعرفه ترعيه
هذا حسب ما أرى واسمع=من أهل الفكر لا حضر طاريه
=مـــــشـــــعل

.

********************


رثاء


********************


.
رثاء في قيصر الكسرة عايد القريشي رحمه الله


.


=الاولى
يا لقيل خليك متواجد=با لصف لو كان بك مكره
حتى نعزيك في عايد=وايضاً نعزيك فا لكسره
=الثانيه
رفـعـت مــن اجـلـك الاقــلام=واوقـفــت جـمـلـة كتـابـاتـي
وعـطـيـت نـفـسـي 3 ايـــام=حـداد ... مـا قــول كسـراتـي

.

رثاء في الاخ الغالي سعيّد الربياوي رحمه الله


.


يا حـرف لأجـل المعـزه رق=عبـر بأحاسـيـس متـأثـر
ضاع الحكي في متاه النطـق=لان هـذا المـصـاب اكـبـر
=رحمك الله يا عم
=سعيّد الربياوي
.

رثاء في شخص غالي جداً على قلبي

رحمه الله واسكنه فسيح جناته


.


=الاولى
ادله النفس مع صوتك=حتى انها ما تحس بشي
مخفي عليها خبر موتك=من اجل تبقى فنظرها حي
=الثانيه
دمعي انحبس في محاجر طرف=وحزني بدا يوم ميلاده
الشعر ينعي نديم الحرف=ويعلن ماّّّ سيه وحداده
=رحمك الله
= يا نديم الحرف

.

رثاء في الأديب غازي السريحي

رحمه الله واسكنه فسيح جناته


.

صحيفة الشعر والكسرات=اللي حضنت يوم ترشيحه
تقول غازي السريحي مات=الله يرحمه ويبيحه
=رحمك الله يا غازي السريحي

.

رثاء في الامير

سلطان بن عبدالعزيز رحمه الله


.

=للجنه ياسلطان
مرات يلفي خبر فعلان=تقول ياليت ما يصدق
أحلام ما يشاف بالاعيان=يذهب مع الريح ما يعبق
لكن تسلل مفاد وبأن=طرياه باعصابنا تفتق
ما نعترض . . دبرة الرحمان=هو مرسل الموت وهو يخلق
تجرأت خطوة الأحزان=تعمدت للفرح تدرق
واصبح لها في وطنا شأن=مصابها فالصدر يحرق
رمى عنان الفرس سلطان=والبشت والسيف والبندق
مرحوم يا باذل الاحسان=يشفع لك الطيب . . وما تنفق
=اللهم لااعتراض

.


********************


********************


********************




خاتمه


.


اخفيت سدي ولا علمت=رفضت اطلق عنان البوح
مجبور ابقى سجين الصمت=مالي بكشف الأمر مصلوح
=مـــــشـــــعل


.




هذا وللجميع خالص التحية والتقدير





اخوكم المديون لكم
مـــــشـــــعل

10/10/1430






التوقيع :

يا ليتني بينـك وبيـن المضـره=من تكة الشوكة إلى سكرة الموت

مـــــشـــــعل غير متواجد حالياً
قديم 09-30-2009, 10:49 PM   رقم المشاركة : 2
مـــــشـــــعل
شـاعـــر منتـديــات ينبــع النــخل وفارس غبوة مهرجان العيد بينبع النخل لعام 1428هـ
 
الصورة الرمزية مـــــشـــــعل





مـــــشـــــعل غير متواجد حالياً


افتراضي

 

ارجو من المشرفين الافاضل اغلاق الموضوع وان ويكون اطلاع فقط
والسبب لانه موضوع متجدد

كما ارجو الغاء التثبيت

وشكراً للجميع






التوقيع :

يا ليتني بينـك وبيـن المضـره=من تكة الشوكة إلى سكرة الموت

مـــــشـــــعل غير متواجد حالياً
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:14 PM


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
جميع الحقوق محفوظة لمنتديات ينبع النخل وجميع ما يكتب من قبل الأعضاء لا يعبر عن رأي إدارة المنتدى نهائياً