منتديات ينبع النخل الرسمية
خدمـات خاصة : :   |  استرجاع كلمة المرور   |   طلب كود تفعيل العضوية   |   تفعيل العضوية   |   للإعلان   |  اتصل بنا
دواووين شبكة ينبع النخل الرسميه


العودة   منتديات ينبع النخل الرسمية > . : ينبع النخل الأدبية : . > منتدى الكسره > ليالي الرديح

إضافة رد
 
أدوات الموضوع انواع عرض الموضوع
قديم 05-09-2013, 08:29 PM   رقم المشاركة : 1
محمد الربياوي
شاعر منتديات ينبع النخل الرسميه
 
الصورة الرمزية محمد الربياوي





محمد الربياوي غير متواجد حالياً


New من أملج رديح زفاف فياض محمود عزازي 28 / 6 / 1434 هـ

 



بقلم : محمد الربياوي ( ابو مشاري )



مقدمه
يامرحبا فأول خطابي = من قلب باحلا المشاعر فاض
سعادتي جمعة احبابي = وتشريفهم في فرح فياض
محمود عزازي

في يوم الأربعاء ليلة الخميس الموافق : 28 / 6 / 1434 هـ كنت في أحضان مدينة املج حيث تشرفت في حضور مناسبه غاليه على قلوبنا ومشاركة الأديب : محمود عزازي ( ابو فياض )
فرح ابنــه الشاب : فياض محمود عزازي .
حيث حضر جمع من شعار وبحريه لإحياء تلك الليله .وسأنقل ما دار في تلك الأمسيه بالتفصيل :
الأحبـــــه الكرام :
قبل الحوض في الأسماء ( اعتذر من اي صف لم اذكر شعاره بالتفصيل ) او أي خطا في النقل سواء الالحان او الزهورات .


لحن ليحــــــان
أستلمه الشاعر : ماجد ابو مديده ( من جده ) ورفاقه : فهد ناصر , فواز المحياوي
وكان الرد من أملج : محمود عزازي ورفاقه .





ليحــــان
ماجد ابو مديده ( ورفاقه )
جينا نرد الوفا لأهله = على حسب منهجه وابناه
سلام مايكف عن وصله = واللي يمد الوفا يلقاه
املج ( محمود ورفاقه )
ترحيب مثل المطر وبله = للي على الطيبه ممشاه
واللي تعنيت من اجله = مثلك فدرب الوفا تلقاه
ماجد ابومديده ( ورفاقه )
الطيب الناس تفرحله = ويثمنون اللذي سواه
كان السلام إنتهى فصله = واسمع من المشتكي شكواه
املج ( محمود ورفاقه)
شوف الفرح مكتمل شمله = انتم وحنا تمنيناه
هات المثل تستمع حله = ارسم على طالعه ومعناه
ماجد ابومديده ( ورفاقه )
قلب الشقي مين يشفعله = ويكسبه ود من يهواه
قدام لاينقطع وسله = ويصارع الهم والمأساه
املج ( محمود ورفاقه )
من يرتجي شي يوصله = يسعى على ملاطفه ورضاه
قبل العراقيل تحصله = ويصير في حال ما يرضاه
ماجد ابو مديده ( ورفاقه )
غالي وكل شي يرخصله = لكن تعند وزاد الآه
كيف اتوصل على عذله = وجرحي معه ينتهي منهاه
املج ( محمود ورفاقه)
ما دامه القلب محتله = عكس اللذي ترتجي رجواه
ارفع جنابك عنه خله = المقفي الناس ماتقفاه

إنكســـــر اللحن



بعد إنتهاء لحن ليحان استأذن الشاعر ( ماجد ابومديده ورفاقه ) من صاحب النوب وغادروا الصابيه .
وكان لصف ينبع البحر ( محمد الهريويل ورفاقه ) سلام في لحن ليحان وأتى رد وحيد من صف املج
وكأن ماحدث بالتفصيل :



لحن ليحان
محمد الهريويل (ورفاقه )
على حسب دعوة الداعين = اللي لنا ارسلوا مرسال
جمعاً على رأي متفقين = سلام منا لكم فالحال
رد املج
يامرحبا بالذي لافين = على عدد وبله الهمال
على الوفا والنقى ساعين = ولاهو على الطيبين محال
محمد الهريويل ( ورفاقه)
هذا اللذي منك متمنين = يا مقدم الطيب فالاقوال
ليل الصفا فالحضور يزين = والآن هيا استمع لسؤال
املج .
( لم يتم الرد )
محمد الهريويل ( ورفاقه)
معلوم لأهل المثل تثمين = ما يتركون الأمور اهمال
نقاد مع جملة القارين = استنكروا ردكم منقال
املج
(لم يتم الرد )
محمد الهريويل ( ورفاقه )
ماكنت أظن الأمور تشين = ونروح في قصارها وطوال
ياللأسف ضاع جيم وسين = لاقيل يتبع ولا قوال
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟




زهورات لحن سلام
(أحمد عبدالله الصيدلاني)
ماجيت لأجل انظره وروح = فياض غالي ونفرح له
ظروف حدت صديق الروح = ومثلك ميحتاج نشرحله
(ناصر عواد)
جينا ياراعي الوفا لاجلك = وافي وكل العباد شهود
ما يردنا البعد عن مثلك = نطويه لو طال يا محمود
(علي الدريني)
هذا فرحنا وناقف فيه = ومن شأنهم جيت متعني
فياض كلتنا نغليه = وابوه جاري وله قني
(شتيوي الرفاعي)
فياض غالي مثل بسام = مغليه وانت بعد غالي
لكن لبعض الظروف حكام = ومنزلك بالموقع العالي
( صالح ابو رمزي)
لاجل الوفا واللزم جينا = نبغى نشارك فرح فياض
بالود تلقى تهانينا = والسعد اقبل علينا وفاض
(محمد حامد السناني)
عليه مابغى اكثر اشوفقي = اشوف شمع الأمل طفى
تكفين يادمعتي روقي = اللي جرالي منه كفى
(صلاح محمد العلاطي)
تهيأت للصفوف رجال = تعرف معانيه واسلوبه
ميقاف منهم يسر الحال = مردود للكل في نوبه
(نايف الشطيري)
قلبي مع أهل الموده خاض = وعايش مع قلوب فرحانه
جاءت تشارك فرح فياض = وابوه اللي أعتلى شأنه


لحن سلام : استلمه أملج والرد من ينبع البحر



لحن سلام
أملج ( محمود ورفاقه )
في يوم صفوة مشاعرنا = أُنس وصفا طالعه تبشير
ومن كان يبغى يخاشرنا = الكل يحمل له التقدير
ينبع ( محمد الهريويل ورفاقه)
ذا شيء يشرح خواطرنا = لما لحنون الغرام تسير
رسم المثل ما يحيرنا = نترجمه ونصدر التقرير
أملج ( محمود ورفاقه)
طاري من البعد فكرنا = واشغل لنا الذات والتفكير
باقي من احساس ذكرنا = باللي لهم بيننا تأثير
ينبع ( محمد الهريويل ورفاقه)
في قولكم ما تنكرنا = لا ونها المسأله تصوير
البعد لو قلت كدرنا = فيما اراه القلوب تحير
املج ( محمود ورفاقه)
اللي نشوفه بناظرنا = واقع ولا يقبل التزوير
عن جالهم يوم ما درنا = المشتقي عايش التكدير
ينبع ( محمود الهريويل ورفاقه )
منا لكم نص حررنا = بأسلوب راقي من التطوير
عن المآساه خبرنا = حتى لكم فالدليل نشير
املج ( محمود ورفاقه)
عت النظر في دفاترنا = جاك المثل وافي التعبير
احساس يسكن ضمايرنا = كيف التقي لي عنه تغيير
ينبع ( محمد الهريويل ورفاقه )
قاد البناء فيه صادرنا = لي شور وابغى عليك اشير
من عهد ماضي وحاضرنا = بالحلم حل الأمور يصير

أنكسر اللحن



زهورات زمانين
(عبدالله باخت)
لا واهني الذي طرفه = يطاوعه لا طراه النوم
ماهو كما اللي عنه ظرفه = يشاغله من سنه لليوم
(عبدالخالق الحمدي)
انس الليالي متى ما طاب = وكل الخواطر معه طابت
واللي عن الأنس في مجناب = يلوم نفسه ولو تابت
(حسام عواد ابوغندر)
اصعب من الصعب لا قينا = صعبه على مصعبه ما يلين
بعد الأمل ما يداوينا = كيف المحبه معاه تزين



لحن زمانين
بدأ من الشاعر : ياسر الكبيدي من ينبع .
وقابله صف أملج : محمود عزازي ورفاقه .




لحن زمانين
ينبع (ياسر الكبيدي)
الليل ياما حلا بدره = لا لاح بدد ظلام الليل
لو كل واحد عرف قدره = ما ينوقد للمسا قنديل
املج ( محمود ورفاقه)
اماني المرء في صدره = بين الرجا والأمل ما تحيل
راعي الخفا ينكشف غدره = واهل الوفا قلوبهم ما تشيل
ينبع ( ياسر الكبيدي )
بكيت لما بزغ فجره = يطري على خاطري واميل
لما نحى واعلنوا هجره = وانا مدلهم على ما قيل
املج ( محمود عزازي ورفاقه)
المرء يدرى حسوس امره = حتى يجي للأمر تعليل
اما رضى وانكتب اجره = والا عليه المآسي تهيل
انكسر اللحن .




زهورات مالك الروح
(عطية الله الفدعاني)
جينا نبارك فرح فياض = والطًيب الناس تسعى له
غير الوفا مانبي معواض = اللي عهدناه فرجاله
(نايف سالم الحمدي)
جو البحر مع غروب الشمس = يذكر القلب بحبابه
كيف يتناسى خليل الأمس = اللي اشغل الروح بغيابه
(عبدالله باخت)
لا شفتنا لاتقول طياب = قد أيش تخفي خواطرنا
تدشنت للظروف اسباب = من كل جانب تحاصرنا
( صالح ابو رمزي)
الود سلطه ومهما كان = ما ينلحق للموده حد
نسعى له الود والازمان = تسعى بنا عكس مابنود
( لم ادون صاحب الكسره )
سيل الفرح عن شعيبي كف = واستمطر الهم في مجراه
من بعد فرقا عظيم الوصف = اللي مشينا على طرياه
( محمد عبدالعزيز)
الكون كله عليه ضاق = من فرقت الوالد الغالي
والامر للوالي الخلاق = اللي على المجتمع والي



لحن مالك الروح : استمله صف ينبع النخل : الشاعر( عطية الله الفدعاني ورفاقه)
: وقابله صف أملج ( محمود عزازي ورفاقه )





لحن مالك الروح

ينبع ( عطية الله ورفاقه )
ظلم الموده حربني حرب = واتعبني الله عليه اكبر
سلطه قعد لي بوسط الدرب = ما فيه ليه عنه معبر
املج ( محمود ورفاقه )
عليك مهما يزيد الكرب = والظلم في حقكم يكبر
ساير معه شرق والا غرب = مادمت لملايمه مجبر
ينبع (عطيةالله ورفاقه)
ظلمه تسلط عليه غصب = ما فيه عندي عنه مخبر
حتى انتحي فالطريق الخصب = واختار ليه عنه مسبر
املج ( محمود ورفاقه)
مجبر تهوم الطريق الصعب = وانت بهذا الطريق اخبر
ما مديك تقدر تجنب جنب = وتقول راح الأمل وادبر
ينبع ( عطيةالله ورفاقه)
حنا معه مقترفنا ذنب = لما نوى الظلم واستكبر
كنا نواليه طنب بطنب = ما ندري انه ظليم أغبر
املج ( محمود ورفاقه)
شوف الوفا للرفق انسب = ولا بده الكسر لك يجبر
واحفظ لهم ما بقى من حب = تبقى على قمة المنبر

انكسر اللحن .




وبعد ألإنتهاء من لحن مالك الروح تم إعادة لحن زمانين مره اخرى

لحن زمانين
وفيه استلم اللحن صف أملج وبالمقابل الشاعر : عطية الله الفدعاني ( ابو فيصل) من ينبع النخل ورفاقه.




لحن زمانين
أملج ( محمود ورفاقه)
عيون تلقى هني النوم = وتعايش احلام ورديه
وانا نصيبي من المقسوم = غير السهر خلته ليه
ينبع (عطيةالله ورفاقه)
عينك يجيها سهرها سوم = بمصارع الذات مبليه
لا تلومها ما عليها لوم = من شت الاسباب معفيه
املج (محمود ورفاقه)
تحوم سهد الليالي حوم = وآهاتها نار مخفيه
ترسي على مينة المكلوم = تستهدف قلوب محميه
ينبع ( عطيةالله ورفاقه)
ما ينوجد شي من معدوم = يترك للآهات ماريه
وان ماتبين سبب معلوم = ما يفيد فعلاجها نيه
املج ( محمود ورفاقه)
اكيد هذا امر محسوم = ما قول بيه وما بيه
لكن اثر سهمه المسموم = اعطب قلوب الشقاويه
ينبع ( عطية الله ورفاقه )
تجددت فالعلوم علوم = صارت للأعيان مرأيه
استهدفت قلبك المظلوم = اللي مآسيه متقيه
املج ( محمود ورفاقه)
نفس الهدف خطه المرسوم = من أول ابيات مبنيه
لجل ايش ما تواسي المهموم = اللي مآسيه جبريه
ينبع ( عطيةالله ورفاقه)
لأهل المعاني نظم وسلوم = وسط السجلات مقريه
تمشي على نظامها المنظوم = اللي على انوار منقيه
عادة عميل الآسى ما يدوم = ولا له مناصر وجاهيه
وهذا فصيلي عليه ختوم = من عدة اجهات رسميه

إنكسر اللحن وإنتهى الرديح تمام الساعه 45 : 11 من صباح الخميس



مع خالص الأمنياات للجميع بالفرح والمسرات
لكم تحيات : محمد الربياوي ( ابو مشاري )






التوقيع :
محمد الربياوي غير متواجد حالياً رد مع اقتباس
قديم 05-09-2013, 08:40 PM   رقم المشاركة : 2
الرااااااااااقي
شاعر منتديات ينبع النخل
 
الصورة الرمزية الرااااااااااقي





الرااااااااااقي غير متواجد حالياً


افتراضي

 

شكرا أخي الشاعر الأستاذ : أبو مشاري

على النقل والمجهود الرائع لك..







التوقيع :
[ اللهم ان في تدبيرك مايغني عن الحيل، وفي كرمك ماهو فوق الأمل، وفي حلمك ما يسد الخلل، وفي عفوك ما يمحو الزلل، اللهم فبقوة تدبيرك وعظيم عفوك وسعة حلمك وفيض كرمك أسألك أن تدبرني بأحسن التدابير، وتلطف بي، وتنجيني مما يخيفني ويهمني.
اللهم لا أُضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولا قوة إلا بك
]
الرااااااااااقي غير متواجد حالياً رد مع اقتباس
قديم 05-10-2013, 12:04 AM   رقم المشاركة : 3
ناحي ليه
عضو مشارك
 
الصورة الرمزية ناحي ليه





ناحي ليه غير متواجد حالياً


افتراضي

 

اقتباس:
المشاركة الأصلية كتبت بواسطة الرااااااااااقي
شكرا أخي الشاعر الأستاذ : أبو مشاري

على النقل والمجهود الرائع لك..


الشاعر محمود عزازي أبارك لك زفاف ابنكم فياض
وحقيقه كانت ليله من أجمل ليالي الرديح في املج
حظور كبير شعراء وبحريه وهذا لانك راعي وفا وتكميل
شكرًا للجميع
مع خالص الود والتقدير
دمتم بخير







التوقيع :

أخـذت قسمـي مع أربـابـه = ولا أدوور الصيت والشهـره
يامن تـعذبـت بـااسبـابـه = خـذلــك مـن الماظـيه عـبـره
ناحي ليه غير متواجد حالياً رد مع اقتباس
قديم 05-10-2013, 01:12 AM   رقم المشاركة : 4
شتيوي الرفاعي
شاعر منتديات ينبع النخل





شتيوي الرفاعي غير متواجد حالياً


افتراضي

 

أخي الفاضل الشاعر / محمد الربياوي مع التحية
إن الكسرة المرسلة مني و التي قيلت في كسر اللحن صحتها كالتالي :


فياض غالي مثل بسام = أغليه و أنت بعد غالي
لكن لبعض الظروف أحكام = و منزلك فالموقع العالي


أرجو منك و من الذين يملكون صلاحية التعديل تعديلها وفقاً لما ذكرت مع الشكر الجزيل للجميع


أبو بسام






شتيوي الرفاعي غير متواجد حالياً رد مع اقتباس
قديم 05-10-2013, 01:51 AM   رقم المشاركة : 5
كسرة لحن
عضو مشارك





كسرة لحن غير متواجد حالياً


افتراضي

 

شكرا أخي الشاعر الأستاذ : أبو مشاري

على النقل والمجهود الرائع لك..







كسرة لحن غير متواجد حالياً رد مع اقتباس
قديم 05-10-2013, 06:43 PM   رقم المشاركة : 6
محمد الربياوي
شاعر منتديات ينبع النخل الرسميه
 
الصورة الرمزية محمد الربياوي





محمد الربياوي غير متواجد حالياً


افتراضي

 

كل الشكر للجميع







التوقيع :
محمد الربياوي غير متواجد حالياً رد مع اقتباس
قديم 05-10-2013, 11:57 PM   رقم المشاركة : 7
زمانين
عضو نشيط





زمانين غير متواجد حالياً


افتراضي

 

ياسلام على الكلام ليله رائعه ومن احلى الليالي
ويعطيك العافيه أخي محمد الربياوي على النقل المميز مبرووووووك من الاعماق للعريس ووالد للعريس وبالتوفيق يارب







زمانين غير متواجد حالياً رد مع اقتباس
قديم 05-11-2013, 01:20 AM   رقم المشاركة : 8
محب الجميع
عضو نشيط





محب الجميع غير متواجد حالياً


افتراضي

 

الف مبروك للعريس .نسأل الله له التوفيق


ليله رغم المفارقات التي تخللتها..ميزها لحن مالك الروح وزمانين المعاد...

ياسلام يابوفيصل
عادة عميل الاسى مايدوم...لا له مناصر وجاهيه
هذى فصيلي عليه ختوم...من عدة جهات رسميه


..







محب الجميع غير متواجد حالياً رد مع اقتباس
قديم 05-11-2013, 09:04 AM   رقم المشاركة : 9
المـودب
عضو مميز





المـودب غير متواجد حالياً


افتراضي

 

مــا ينـوجـد شــي مــن مـعـدوم يــــتــــرك لــــلآهــــات مــــاريـــــه
وان مـاتـبـيـن ســبــب مـعــلــوم مـــــا يـفــيــد فـعـلاجــهــا نـــيـــه
ليلة من اروع الليالي






التوقيع :

كيف يرجون سقاطي بعدما=جلل الرأس مشيب وصلع
رب من أنضجت غيظا صدره=قد تمنى لي موتا لم يُطع
المـودب غير متواجد حالياً رد مع اقتباس
قديم 05-14-2013, 12:53 AM   رقم المشاركة : 10
عيدمفضي السناني
شاعر منتديات ينبع النخل
 
الصورة الرمزية عيدمفضي السناني





عيدمفضي السناني غير متواجد حالياً


افتراضي

 

الف مبروك للعريس واهله............وصحت السن الشعراء.......وسلمت يداك وفكرك للنقل الرائع غالينا الشاعرمحمدالربياوي...تحياتي واعجابي رعك الله.







التوقيع :
عيدمفضي السناني غير متواجد حالياً رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
بيني وبين الشاعر الكبير محمود عزازي .. الشهااااب منتدى الكسره 12 12-04-2010 05:43 PM
للشاعر الكبير محمود عزازي الشويعر منتدى الكسره 3 09-12-2010 05:40 PM
لحن جديد بيني وبين الشاعر محمود عزازي ( أبو فياض ) ياسر الكبيدي منتدى الكسره 19 03-25-2010 06:18 AM
خليل الثقفي ـ محمود عزازي خليل منتدى الكسره 4 02-01-2010 10:49 AM
لحن جديد مع ابو فياض الشاعر ( محمود عزازي ) ياسر الكبيدي منتدى الكسره 3 07-02-2007 06:22 PM


الساعة الآن 05:57 PM


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
جميع الحقوق محفوظة لمنتديات ينبع النخل وجميع ما يكتب من قبل الأعضاء لا يعبر عن رأي إدارة المنتدى نهائياً